As estrelas de Arzúa

venres, 19 de xuño de 2020

CHEGA O VERÁN!

Damos fin á primavera e dicímoslle ola ao verán!
Agardamos que sexa un bo verán para todos e todas!
Esta última semana de cole a distancia, a proposta voluntaria para a aula de 3 anos B fixo fincapé nesta estación!

luns, 8 de xuño de 2020

5 DE XUÑO: DÍA DO MEDIO AMBIENTE

O 5 de xuño celebramos o Día Mundial do Medio Ambiente. Todos os seres vivos xogamos un papel moi importante no seu equilibrio natural. Durante a pandemia e mentres estivemos confinados poidemos ler noticias moi interesantes: os animais achegáronse a zonas non habituais para eles (cidades, costa), o nivel de contaminación baixou considerablemente, a vexetación medrou por todas partes...

A semana pasada, todas as actividades propostas xiraron en torno a esta data tan importante: fixemos debuxos, recollemos e secamos flores e follas, tratamos os animais en perigo de extinción, a importancia da reciclaxe e rematamos traballando o San Xoán!
*Pincha nas imaxes para ver en grande todo o que fixemos!

SECAMOS FLORES E FOLLAS, CUBRIMOS AS FICHAS DE REXISTRO E CON ELAS TRABALLAREMOS O VINDEIRO CURSO!

ANIMAIS EN PERIGO DE EXTINCIÓN:

IMPORTANCIA DA RECICLAXE: EN QUE CONTEDOR SE TIRAN OS PAPEIS?

E O RITO DAS HERBAS DO SAN XOÁN!

martes, 2 de xuño de 2020

CONTO: MARUXA

Unha proposta de actividade voluntaria neste período de alarma sanitaria foi traballar co conto MARUXA.

A principal finalidade foi:
Promover nos nenos e nenas valores encamiñados á igualdade entre homes e mulleres, neste caso facendo fincapé nas tarefas domésticas.

Maruxa decide dar unha lección ao seu marido. Cunha gran habilidade no manexo da retranca, logrará que Pepiño tome consciencia de que o traballo da casa está mal repartido e consegue que cambie de actitude.
Pincha nas imaxes para ver en grande todo o que fixemos!

luns, 1 de xuño de 2020

UNHA ADIVIÑA DE ANIMAIS!

TEÑO UNHA LARGA MELENA,

SON FORTE E MOI VELOZ,

ABRO A BOCA MOI GRANDE,

E DOU MEDO COA MIÑA VOZ.

Nesta ocasión foi a quenda do LEÓN!

Traballamos coas letras deste animal, co seu son, debuxámoslle a melena e ata fixemos ioga. Sabías que unha postura do ioga é a do león?

Ensinámosvos a proposta de traballo polo miúdo (pincha na imaxe para vela en grande)

mércores, 27 de maio de 2020

DÍA MUNDIAL DAS ABELLAS

Dende o 2018 cada 20 de maio celébrase o Día Mundial das Abellas.

As abellas non só axudan ao planeta na polinización de plantas senón que co seu traballo proporcionan ao home diversos produtos que teñen moitos beneficios para a saúde. Tanto o mel como a xelea real, a própole e o polen da abella reforzan o sistema inmunolóxico facéndote máis forte ante calquera enfermidade.

A proposta de traballo para este día foi a seguinte:

MANDALAS!

Comezamos a traballar coas mandalas.

A mandala é unha estrutura de deseños concéntricos que representan unha composición repetitiva do universo e da natureza. Mandala é unha palabra de orixe sánscrito que significa “círculo”.

Segundo os estudios son moitos os beneficios que se lle atribúen ás mandalas. Colorear ou facer mandalas reduce o estrés, mellora a capacidade de atención e concentración, etc.

As mandalas son unha representación artística de deseño libre, é dicir, podemos debuxalas, colorealas ou construílas como queiramos, así que iso fixemos.

Mirade que resultados máis chulis!